20-25 октябрьдә Теннис Холлда республика ачык чемпионаты үтте. Анда 14 яшь һәм аннан яшьрәк кызлар-егетләр катнашты.
Казан, Әлмәт, Бөгелмә, Лениногорск, Яр Чаллы, Алабуга, Ижевск, Мәскәү һәм башка шәһәрләрдән килгәннәр. Катнашучыларны район башлыгы Рәгать Хөсәенов сәламләде, ул балаларга күтәренке кәеф, лаеклы җиңү теләде.
Безнекеләр призлы урын алмаса да, актив булулары белән аерылып торды. Ахырда җиңүче һәм призерларга кубок, медаль, кыйммәтле бүләкләр тапшырылды.
