Әлеге юл-транспорт һәлакәте бүген иртән Югары Ослан районында М-7 трассасында булган.
Daewoo Nexia автомобиле Казанга таба хәрәкәт иткән. "Лада Гранта" һәм "Лада Калина" машиналары каршы яктан барган. Көтмәгәндә "Лада Калина" башта "Гранта"га, аннары каршы яктан килә торган "Daewoo Nexia"га килеп бәрелә.
Беренче мәгълүматлар буенча, "Калина" юл кырыена килеп бәрелә һәм автомобиль йөртүче идарәсен югалта. Нәтиҗәдә, "Калина" йөртүчесе һәм янындагы пассажиры урында вафат булган. "Daewoo Nexia"ның ике пассажиры һәм тагын бер зыян күрүче авыр хәлдә хастаханәгә озатылган. "Лада Гранта" белән идарә иткән ир зыян күрмәгән.