Министр печән әзерләүне тизләтергә кушты
Татарстан Республикасында 110 мең тонна терлек азыгы берәмлеге әзерләнгән: печән – 50 мең тонна, сенаж – 280 мең тонна.
Терлек азыгын уңышлы әзерләгән районнар арасында, Марат Әхмәтов хәбәр иткәнчә, Зәй, Сарман, Яшел Үзән, Мамадыш, Әтнә, Тәтеш, Әлки, Нурлат муниципаль районнары алдынгылыкны били.
– Күпьеллык үләннәр мәйданы республикада 500 мең га, шулардан печән һәм сенаж 400 мең гектарда җыеп алынырга тиеш. Бүгенгә яртысы чабылган һәм җыеп алынган, - диде Марат Әхмәтов.
Ул районнары терлек азыгы әзерләү буенча эшләрне тизләтергә өндәде, дип хәбәр итә ТР Президенты Матбугат хезмәте.