Кунжутта кальций күбрәк
Кунжут орлыгы кулинариядә генә түгел, халык медицинасында да уңышлы кулланыла.
Аны кыздырган очракта, күп кенә файдалы үзлекләрен югалта, озак вакыт саклаганда, аңа әче тәм керә. Шуңа да иң яхшысы – кунжут орлыгыннан ясалган май куллану. Кунжут маен салатларга зәйтүн мае урынына да салырга мөмкин. Ә менә аны кыздыру өчен файдалану дөрес түгел. Орлыкның үзенә килгәндә, аңарда кальций сөт ризыкларына караганда да күбрәк. Моннан тыш, орлык фосфор, известь һәм цинкка да бай. Кунжут мускул массасын да арттыра. Кунжут маен ашар алдыннан көненә өч тапкыр берәр аш кашыгы эчәргә кирәк.