Зәйдә майның соңгы атнасында 18 юл һәлакәте теркәлгән
Зәй ЮХИДИ бүлеге хәбәр итүенчә, 23-29 майда район юлларында 18 юл-транспорт һәлакәте теркәлгән. Аларның икесендә кешеләр зыян күргән.
26 майда Нариманов урамы белән Промышленная урамнары чатында “Лада Приора” автомобиле йөртүчесе сулга борылганда төп юлдан килүче икенче “Лада Приора”га юл бирми. Нәтиҗәдә алар бәрелешә икенче машинаны йөртүче тән җәрәхәте белән үзәк дәваханәгә озатыла.
27 майда Чаллы-Зәй-Әлмәт юлының 43 километрында “КИА” автомобиле йөртүчесе уңга борылганда, төп юлдан килүче ВАЗ-2114 автомобиленә юл бирмәү авария килеп чыга . Монда да төп юлдан килүче машина йөртүче тән җәрәхәте ала. ЮХИДИ хезмәткәрләре юл кагыйдәләрен төгәл үтәп йөрүне сорый, чөнки әлеге һәлакәтләр үзләре үк кагыйдә үтәмәүчеләр нәтиҗәсендә икенче берәүләрнең зыян күрүе турында сөйли.