Татарстанда 5еннән 20 майга кадәр янгынга каршы махсус режим кертелә. Әлеге карар ТР Министрлар Кабинетында имзаланган. Бу режимны бозучыларны җитди штрафлар көтә.
Бу көннәрдә корыган үләнне һәм чүп-чарны яндыру, ачык утта (мангалда һәм учакларда) ризык әзерләү, пиротехника әйберләре куллану катгый тыела, дип хәбәр итә ТР гадәттән тыш хәлләр министрлыгы пресс-хезмәте.
Бу режимны бозучыларга карата административ штрафлар салыначак: гражданнарга – 2 меңнән алып 4 мең сумга кадәр; вазифаи затларга – 30 меңнән алып 40 мең сумга кадәр; юридик затларга исә – 200 мең сумнан алып 400 мең сумга кадәр.