Интернет челтәрендә ашлама сату турында игълан күреп алган авыл хуҗалыгы оешмасы җитәкчесе телефон аша “сатучы” белән элемтәгә керә. Бары да килешенгәч, җитәкче кеше “сатучының” исәп-хисап счетына 400 мең сум акча күчерә. Шундук соңгысының телефон номеры “яшәүдән туктый”, ә игълан сайттан алына.
Хәзерге вакытта әлеге факт буенча җинаять эше кузгатылган. “Сатучының” телефон номеры Киров өлкәсендә теркәлгән булуы билгеле.