“Иң яхшы билингваль балалар бакчасы” республика бәйгесенең район турына Зәй балалар бакчасы коллективлары зур әзерлек белән килде. Республикабызда ике дәүләт телен балаларга кече яшьтән иң отышлы өйрәтүче бакча педагоглары бәйгедә үзенчәлекле методикалары буенча катнаша. 25 апрельдән 6 майга кадәр, район бәйгесе комиссиясе бакчаларга йөреп, педагогларның балалар белән дәресләр үткәрүен карый, балаларның телне өйрәнү дәрәҗәсен күзәтә, системалы эшкә бәя бирә. Ә май уртасында район турында иң яхшы дип табылган ике бакча коллективы республика бәйгесендә катнашачак.
