Авито.ру сайтына әйбер сатырга куйган кешеләрнең кәрәзле телефон номерлары буенча шалтыратып мошенниклар тәкъдим ителүче товарны алырга теләүләрен белдереләр һәм акчаны банк картасына күчерәбез, дип, карта номерын, башка кирәкле мәгълүматларны сорап алалар.
- Банк картасы номеры белән бергә карта артындагы өч урынлы санны да әйтү картадагы бөтен акчаның юкка чыгуына китерергә мөмкин. Мошенниклар башта ышанычны яулау өчен мобиль банк кушып картага акча күчерәләр, ә аннан соң инде карта артындагы өч урынлы кодны сорап, сезнең картага юл алалар. Нәтиҗәдә картадагы барлык акчалар счеттан юкка чыга.