Татарстанда аерылышучылар саны арткан
2016 елның беренче кварталында 1656 ата булуны билгеләү турында акт теркәлгән. Бу 2015 елның шул аралыгы күрсәткечләре белән чагыштырганда 56 актка азрак.
ТР Министрлар Кабинетының гражданлык хәле актларын теркәү идарәсе шундый саннар китерә. 2016 елның өч ае эчендә 74 уллыкка (кызлыкка) алу турында акт төзелгән, бу 2015 елның 3 ае күрсәткечләре белән чагыштырганда 32,7 %ка кимрәк. Аерылышучылар саны арткан – өч айда 3329 никах өзү турында акт теркәлгән, бу узган елгы күрсәткечләр белән чагыштырганда 4 %ка күбрәк.