91 яшьлек ветеран парашют белән сикерә
Иртәгә, 9 апрельдә төш вакытында Минзәләдә Татарстанның иң өлкән гвардия-десантчысы, 91 яшьлек Павел Клетнев парашют белән сикерергә җыена.
Павел Кузьмич ошбу батырлыгын Бөек Җиңү көненә багышлый.
Узган ел әлеге ветеран инструктор белән парлашып Бөек Җиңүнең 70 еллыгы һәм Һава десант гаскәрләренең 85 еллыгы уңаеннан 4 мең метр биеклектән сикергән иде инде. Яшьләрне дә куркыткан биеклектән сикереп, үзгә батырлык үрнәкләре күрсәтүче ветеран хәрби-патриотик тәрбия бирү буенча шул рәвешле зур эш алып бара.