Өч айда 11 меңнән артык кеше бакыйлыкка күчкән
Быелның беренче өч аенда Татарстанда 11366 кешенең гомере өзелгән.
Үлүчеләр саны турында әлеге мәгълүмат ТР Министрлар Кабинетының гражданлык хәле актларын теркәү идарәсеннән алынды.
Үлүчеләр саны узган елның шушы өч ае белән чагыштырганда 6,3 %ка кимрәк. Аерым шәһәрләргә тукталсак, Казан быелның өч аенда үлүчеләр саны 4,5 %ка, Чаллыда – 1,6 %ка кимегән. Районнарны аерым гына карасак, үлүчеләр санының узган елның беренче кварталы белән чагыштырганда 7,9 %ка кимүе күзәтелә.
Сүз уңаеннан: өч айда Татарстанда туучылар саны (13 450) үлүчеләргә караганда 2084кә күбрәк.