Аны Горький паркы тирәсендә төзергә җыеналар.
Француз манарасының "игезәге"н 2013 елда ук төзү хыялы белән йөргәннәр иде. Ул вакытта Универсиада сәхнәсе каркасын манара төзү өчен куллану турында фикерләр дә булды.
Быел әлеге манараны төзү турындагы фикер яңадан калкып чыкты. SETE француз компаниясе беренче проектка әйләнеп кайту яклы. Алар фикеренчә, әлеге манараның "игезәге" туристлар агымын арттыруда ярдәм итәчәк.
Универсиада сәхнәсе каркасы нигез булып калачак, тик биеклеге 60 метр гына түгел, ә 150 метрга кадәр җитәчәге һәм барлык мәсьәләләр дә хәл ителгән очракта, җәй башына манара проекты әзер булачагы хакында хәбәр итә Казан мэриясе порталы.
