“Мишутка” балалар бакчасында Корней Чуковскийның тууына 134 еллыгын бәйрәм иттеләр

Өлкән группага йөрүче балалар әлеге язучының “Мойдодыр”, “Айболит”, “Котауси һәм Мауси”, “Федорино горе” әсәрләреннән өзекләрне сәхнәләштерделәр, шигырьләр сөйләделәр. Чарада сабыйларның әниләре дә катнашты. Кемдер мойдодыр, кемдер табиб ролен башкарды. “Бәйрәмдә катнашырга дип сорагач, ата-аналар бик теләп риза булдылар. Алар белән бик күңелле әзерләндек. Балаларга да әкият уйнавы ошады. Мондый чараларны еш үткәрергә тырышабыз. Күптән түгел генә Пушкин әсәрләрен өйрәндек, сәхнәләштердек. Сәнгатьле уку бәйгесе дә күңелле үтте”,–диде “Мишутка” балалар бакчасы хезмәткәре Гөлфия Әхмәтвәлиева.

Гөлназ Зарипова фотосы.