Әлмәтнең нәни биючесе зур җиңүгә иреште
VI Халыкара фестиваль – “Данс Авеню” бию сәнгате бәйгесеннән Әлмәт кызы җиңеп кайтты.
“Гүзәллек” бию ансамбленең солисты Радмилла Гайнетдинова (җитәкчесе Рәзилә Хәкимова) шәһәребез данын яклап чыгыш ясады һәм 10-13 яшьлекләр төркемендә “Халык биюе” номинациясендә I дәрәҗә дипломга лаек булды. Бәйгедә Радмилла Санкт-Петербург, Мәскәү, Омск, Төмән, Саранск, Самара, Саратов, Казан, Чаллы биючеләре белән көч сынашты.