Лениногорскига Герой килде (фотолар)
Үткән атнада безгә республикада бүгенге көндә исән булган бердәнбер Советлар Союзы Герое Борис Кузнецов булып китте.
Аның катнашында район һәм шәһәр ветераннар советының мемориаль үзәгендә “Россия патриотларын үстерәбез, яшибез һәм онытмыйбыз” дип аталучы бөтенроссия конкурсын ачу чарасы булды. Шулай ук ул Сугышлы һәм Керкәле авылларында мемориаль такта ачуда катнашты.
Казан шәһәрендә яшәүче Борис Кирилловичның хатыны Әлфия ханым белән “Бәкер” шифаханәсендә ял итәргә килгәнен белгәч, район һәм шәһәр ветераннар советы рәисе Марс Исхаков аларны безгә чакырган. Әлеге чара район башкарма комитет җитәкчесе урынбасары Владимир Друк, ветераннар активы, шулай ук яшь волонтерлар катнашында үтте.
Бу хакта тулырак "Заман сулышы"ның 25 март санында