Әлки районында автомобиль юлларын ямап ремонтлыйлар
Үткән атнадан бирле “Алексеевскдорстрой” ААҖнең район участогы эшчеләре автомобиль юлларындагы чокыр-чакырларны ремонтлыйлар.
Беренче чиратта Алексеевск-Югары Колок автоюлының начар хәлдәге участоклары төзекләндерелә. Ремонт эшләренә инде 200 тонна вак бөртекле тыгыз асфальтбетон кулланылган.
Юл хезмәткәрләре язгы ташуга әзерлек эшләре дә алып баралар. Район юлларындагы 438 су торбасы кардан һәм боздан чистартылган. Хәзер су агу улакларын чистарту дәвам итә.