Түбән Мактамада 600 шешәне юк иткәннәр
Әлмәттә гыйнвар аенда гына да алкогольгә каршы законнарны бозуның 13 очрагы ачыкланган.
Шуның 8 е хәмерне тиеш булмаган вакытта сату, тагын икесе балигъ булмаганнарга спиртлы эчемлекләр сату. Соңгы ике очрак буенча сатучылар 30 дан алып 40 мең сумга кадәр штрафка тартылган.
Моннан тыш, көмешкә кууның бер факты, тиешле документларсыз спиртлы продукция ташу очрагы, лицензиясез хәмер эчемлекләре сату һәм ике яклы билгеләнештәге продукция сату очраклары теркәлгән.
Әйтик, Түбән Мактаманың бер кибетендә шундый билгеләнештәге косметик лосьон сатканнар. Тикшерү барышында кибеттән составында этил спирты 75 процент булган 96 флакон, этил спирты 90 % булган 480 флакон, этил спирты 100 % булган 60 флакон табып алынган.