Оныкларын бирмәс өчен кызын үтертергә булган
1952 елгы ханымга карата җинаять эше кузгатылган.
Оператив мәгълүматларга караганда, Тобольскида яшәүче әлеге ханым үзенең кызын үтертү өчен кеше ялларга уйлаган. Аның кызы ике баласына карата ата-ана хокукыннан мәхрүм ителгән булган. Пенсионер ханым аның ата-ана хокукларын торгызып, балаларны үзенә тартып алуыннан курыккан һәм кече кызыннан апасын үтертү өчен киллер табуда ярдәм итүен сораган. Ә тегесе киллер эзләү урынына бу хакта полициягә хәбәр иткән. «Үтерүче» ролендә килгән полицейский заказчы ханымга үтерүен раслау өчен кызының паспортын күрсәткән. Шулай итеп, заказчы кулга алынган. Тикшерү бара.