Әлмәттә аерылышучыларга көн бетә
Хәзер аерылырга гариза язган яшьләрне энәсеннән-җебенә кадәр тикшерәчәкләр.
Якын киләчәктә Әлмәттә яңа һөнәр ияләре барлыкка килергә тиеш, ди белгечләр. Аерылышучыларны янәдән кавыштыручы кешеләрне медиаторлар дип атыйлар. Казан ЗАГСларында беренче тапкыр шундый хезмәт ияләре эшли башлаган.
Россиядә аналогы булмаган “Гаиләне саклап кал” проекты гыйнвар аеннан старт алган. Гаиләсен таркатырга килүчеләргә медиаторлар –гаилә психологлары белән аралашырга тәкъдим итәләр. Инде әлеге эшнең беренче уңай нәтиҗәләре дә барлыкка килгән - берничә гаилә ЗАГСтан гаризаларын кире алган.