Игътибар, Татарстанда һава торышы бозыла!
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген 18:00 сәгатьтән һава торышы көйсезләнә башлый.
Көйсез һава торышы бер тәүлеккә сузыла, дип кисәтә синоптиклар. Төнлә һәм иртән юлларда бозлавык саклана, томан төшә. Күз күреме 500 метрдан да кимрәк булачак. Төнге сәгатьләрдә җилнең тизлеге секундына 15-18 (Казанда иртән һәм көндез – 15-16) метрга җитеп көчәю ихтималы да бар.
Төнлә һәм иртән урыны белән буран булачак. Һава торышы бозылган вакытта олы юлга чыгудан тыелып тору кулайрак булыр.