Dobbelt så mange kvinnelege jegerar
Kvinneandelen i Jegerregisteret er meir enn dobla dei siste 25 åra, og kvinner utgjer no 17 prosent av alle registrerte jegerar i Noreg.
Nye tal frå Statistisk sentralbyrå viser at kvar tiande jeger som betalte jegeravgift for jaktåret 2025–2026, var ei kvinne. Til samanlikning var berre éin av tjue betalande jegerar kvinner for 25 år sidan. Ved utgangen av jaktåret var totalt 558.500 nordmenn registrerte i Jegerregisteret.
Interessa for jakt aukar særleg blant dei unge. Over 12.000 personar tok jegerprøven det siste året, noko som er ein oppgang på 11 prosent frå året før. Blant dei som bestod prøva, var kvinneandelen på heile 26 prosent.