Алматыда ірі өрт сөндіріліп жатыр
Алматыда автосервисте өрт шықты. Өртсөндірушілер жалынды оқшаулаған, - деп хабарлайды Tengrinews.kz тілшісі.
ТЖМ күштері мен құралдары Бостандық ауданы, Нұр-Алатау ықшамауданы, Болтирикова көшесіне жоғары дәрежелі шақыру бойынша жіберілген.
"Бірінші бөлімшелер келгеннен кейін автосервис үй-жайлары жанып жатқаны анықталды. Өртсөндірушілердің үйлесімді және тез әрекет етуінің арқасында көрші тұрғын ғимаратқа өрттің таралу қаупі жойылды. Автоцистерналар өрт сөндіру гидрантына қосылған, үздіксіз су беру қамтамасыз етілген", - делінген хабарламада.
Жедел штаб ұйымдастырылып, өрт сөндіру үшін бірнеше учаскі құрылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!