Հայաստանը պատրաստ է ԵՄ-ի հետ վիզաների ազատականացման երկխոսությանը․ ՆԳ նախարար
Հայաստանը պատրաստ է Եվրամիության հետ վիզաների ազատականացման գործընթացին և արդեն մտել է համապատասխան երկխոսության փուլ։ Այդ մասին ԵՄ ներքին գործերի և միգրացիայի հարցերով հանձնակատար Մագնուս Բրունների հետ համատեղ ասուլիսի ժամանակ հայտարարել է ՀՀ ներքին գործերի նախարար Արփինե Սարգսյանը։
Նրա խոսքով՝ Հայաստանը պատրաստակամություն է հայտնել սկսել վիզաների ազատականացման երկխոսությունը և իրականացնել այն բոլոր միջոցառումները, որոնք կարևոր են եվրոպական գործընկերների համար՝ գործընթացը տրամաբանական հանգուցալուծման հասցնելու նպատակով։
Նախարարը հիշեցրել է, որ Հայաստանում բիոմետրիկ համակարգը կգործարկվի 2026 թվականի աշնանը։
«Շատ կարևոր է, որ թե՛ Հայաստանը, թե՛ Եվրամիությունը վստահ լինեն, որ մարդկանց շարժի շրջանակում հստակ է, թե որ անձի մասին է խոսքը, և հնարավոր կլինի բացահայտել ինքնության կեղծիքները»,- նշել է նա։
The post Հայաստանը պատրաստ է ԵՄ-ի հետ վիզաների ազատականացման երկխոսությանը․ ՆԳ նախարար first appeared on MediaLab Newsroom-Laboratory.