Ёрқинхўжа Умаровдан кутилган “Келинчак” қўшиғи тақдим этилди (аудио)
Хонанда Ёрқинхўжа Умаров кеча, 28 феврал куни яқин кунларда премера қилиниши айтилган “Келинчак” номли янги таронасини мухлислар эътиборига ҳавола қилди. Айни пайтда қўшиқни хонанданинг расмий YouTube саҳифасида тўлиқ ҳолда тинглаш мумкин.
Маълум қилинишича, “Келинчак” қўшиғининг таъсирли ва самимий сўзлари шоир Фарруҳ Камолов қаламига мансуб. Ушбу таронанинг мусиқаси эса бастакор Жасур Бадалбаев томонидан яратилган.
Янги қўшиқ оилавий қадриятлар, муҳаббат ва бахтли ҳаёт орзуси мавзусини ўзида мужассам этган бўлиб, ижросида хонанданинг овози янада самимий ва ҳиссиётларга бой тарзда намоён бўлгани таъкидланмоқда. Мухлислар эса таронани илиқ қабул қилиб, уни тўй ва байрам маросимлари учун мос қўшиқ сифатида баҳоламоқда.