Слуцкий бошқарувидаги «Shanghai Shenshua» АЧЛда мағлуб бўлди
Осиё Чемпионлар лигасида «Shanghai Shenshua» етти турдан сўнг плей-офф йўлланмаси учун курашиш имконини бой берди. 8-турда «Buriram United»га қарши баҳс Слуцкий жамоаси учун турнир билан хайрлашиш олдидан сўнгги уриниш эди, аммо «эшикни қарсиллатиб ёпиш»нинг иложи бўлмади. Бу ҳақда euro-football.ru хабар беради.
Учрашув 0:2 ҳисобида тайлар фойдасига якунланди. «Buriram United» биринчи бўлимнинг дастлабки дақиқаларидаёқ икки марта рақиб дарвозасини ишғол қилди, кейин эса «Shanghai Shenshua» майдонда бир футболчига кам қолиб, ўйиндаги интрига деярли сўнди.
Маълумот учун, Леонид Слуцкийнинг «Shanghai Shenshua» билан амалдаги шартномаси 2027 йил охиригача мўлжалланган.