Хедира Винисиуснинг Алонсо билан чиқиша олмаганини айтди
Мадриднинг «Реал» клуби собиқ футболчиси Сами Хедира Винисиус Жуниор нега жамоанинг аввалги мураббийи Хаби Алонсо билан тил топиша олмаганини тушунтирди. Бу ҳақда euro-football.ru хабар беради.
Испаниялик мутахассис январ ойида, тайинланганидан атиги олти ой ўтиб ишдан бўшатилган. Одатда октябрдаги «Эл класико»да Винисиуснинг алмаштирилгандаги кескин реакцияси Алонсо учун «якун сари илк қадам» бўлгани таъкидланади.
«Карло Анчелотти даврида Вини “Олтин тўп”га жуда яқин эди ва мукофотга муносиб кўринарди. Хабининг тизими эса уни кўпроқ чеклаб қўйди, чунки Алонсо алоҳида ижрочилардан кўра жамоавий структура ва интизомни устун қўйишга одатланган. Арбелоа қўл остида Винисиус яна эркинликни ҳис қилди — бунинг таъсирини ҳозирдан кўряпмиз», — дея Хедирадан иқтибос келтиради Madrid Zone.
Винисиус Жуниор «қаймоқранглилар» сафидаги сўнгги тўрт учрашувда бешта гол муаллифи бўлди.