Актриса Айсанемхон Юсупованинг орзуларидан бири амалга ошди
Маҳорати билан томошабинлар меҳрини қозонган актриса Айсанемхон Юсупова Истанбул шаҳрида ўтказилган Таркан концертида иштирок этди. У ижтимоий тармоқларда жойлаган видеолари орқали ушбу лаҳзаларни мухлислари билан баҳам кўрди.
Актрисанинг айтишича, у болалигидан турк эстрадаси юлдузи Тарканнинг қўшиқларини тинглаб улғайган. Шу боис мазкур концерт унинг кўп йиллик орзуларидан бири бўлган.
Айсанемхон изоҳлардан бирида ҳис-туйғуларини яширмай, “Орзуларимдан бири рўёбга чиқди, урра! Таркан, seni çok seviyoruz”, дея ёзиб қолдирган.
Мухлислар эса актрисанинг қувончига шерик бўлиб, унга самимий тилаклар билдирмоқда. Айсанемхоннинг Истанбул сафари ижтимоий тармоқларда қизғин муҳокама қилинмоқда.