Юлдуз Усмонова: “Санъаткор бўлиш учун овоз эмас, дард керак”
Хонанда Юлдуз Усмонова ўзининг Instagram саҳифасида Ботир Қодиров билан бўлган суҳбат жараёнида санъат ва санъаткорлик ҳақидаги фикрлари билан мухлислар эътиборини тортди.
Суҳбат давомида Юлдуз Усмонова чинакам санъаткор фақат овоз билан эмас, балки ички дард ва ҳаётий кечинмалар орқали шаклланишини таъкидлади.
— “Қорни тўқ, усти бут одамдан санъаткор чиқмайди. Ота-онасининг бағрида, ҳар куни ош-нони муҳайё бўлса, фақат овознинг ўзи етарли эмас. Овоз ҳаммада бўлиши мумкин, ҳатто эшакда ҳам овоз бор. Лекин санъаткор бўлиш учун энг аввало дард керак. Инсоннинг ичида куйиб турган гап, айтилмаган алам бўлиши керак. Мен шу фикрни доим тушунтиришга ҳаракат қиламан,” — деди хонанда.
Шунингдек, у Ботир Қодировга юзланиб, санъат йўлида янада қатъиятли бўлишга ундади:
— “Қўлингга торни маҳкам ушлаб саҳнага чиқ, бор кучинг билан куйла ва ёриб ташла,” — дея унга самимий тилак ва руҳий далда билдирди.