«Интер» Франк Кессени ёзда А Серияга қайтармоқчи
Саудия Арабистонининг «Ал-Аҳли» клубида тўп сураётган ярим ҳимоячи Франк Кесси яна Италия А Сериясида кўриниш бериши мумкин. 29 ёшли ивуариялик футболчи Миланнинг «Интер»и трансфер рўйхатига тушди. Бу ҳақда euro-football.ru хабар беради.
Журналистлар Маттео Моретто ва Фабритсио Романонинг хабарига кўра, «нерадзуррилар» мавсум якунига қадар Кессининг вакиллари билан учрашиб, эҳтимолий келишув шартларини муҳокама қилмоқчи. Футболчининг амалдаги шартномаси атиги ярим йилдан кейин якунланади ва у эркин агент сифатида жамоа танлаш имконига эга бўлади.
Қайд этилишича, яқинда Кессининг агентлари А Сериянинг яна бир гранди — «Ювентус» вакиллари билан ҳам учрашув ўтказган. «Милан»нинг собиқ юлдузи келажаги бўйича ҳозирча аниқ қарорини ошкор қилмаган. Transfermarkt портали футболчини 12 млн еврога баҳоламоқда.