Арета Чемпионлар лигаси ўйинида икки етакчи ҳимоячидан айрилди
Лондоннинг «Арсенал» жамоаси Чемпионлар лигасида «Қайрат»га қарши уй учрашувига ҳозирлик кўрмоқда. Бош мураббий Микел Артета матбуот анжуманида таркибдаги вазият ҳақида маълумот берди. Бу ҳақда euro-football.ru хабар беради.
Мутахассиснинг айтишича, «канонирлар» асосий таркибдаги икки ҳимоячиси — Юрриен Тимбер ва Уильям Салибадан вақтинча фойдалана олмайди. Иккисида ҳам енгил соғлиқ муаммолари бор.
«Салиба ва Тимбер сафдан чиқди. Уларга кичик муаммолар бор. Дам олиш кунларига келиб иккаласи ҳам энг яхши ҳолатга қайтишини истаймиз», — деди Артета журналистларга.
«Арсенал» ва «Қайрат» 28 январ куни майдонга тушади. Артета шогирдлари январнинг сўнгги кунида эса АПЛнинг 24-тури доирасида сафарда «Лидс»га қарши ўйнайди.