Жонатан Та Компани қўл остидаги иш услубини тушунтирди
«Бавария» ҳимоячиси Жонатан Та мюнхенликлар бош мураббийи Венсан Компани билан ишлаш жараёни қандай кечаётгани ҳақида фикр билдирди. Бу ҳақда euro-football.ru хабар беради.
Матбуот анжуманида Та Компанининг ҳимоячилар билан ишлашда ўзига хос ёндашуви борлигини таъкидлади: мураббий уларни жуда яхши тушунади ва кучли томонларини очишга ёрдам беради. Шу билан бирга, Компани фақат ҳимоя чизиғи билан чекланмай, ҳужумчиларга ҳам рақиб ҳимоясининг заиф нуқталарини кўрсатиб бера олишини айтди. Та унинг қўл остида кўп нарсани ўрганаётганини қўшимча қилди.
Жонатан Та 2025 йилда «Байер»дан «Бавария»га икки миллион евро эвазига кўчиб ўтган. Унинг шартномаси 2029 йил 30 июнгача мўлжалланган. Жорий мавсумда у мюнхен клуби сафида 27 ўйинда майдонга тушиб, 3 гол урди ва 3 та голли узатмани амалга оширди.