«Ал-Наср» Садио Манэ масаласида якуний қарорга келди
Саудиянинг «Ал-Наср» клуби ҳужумчи Садио Манэ билан келажак борасида йўлларини ажратишга яқин. Бу ҳақда euro-football.ru хабар беради.
365Scores Arabia хабарига кўра, клуб сенегаллик футболчига янги шартнома таклиф қилиш ниятида эмас. Манэ билан амалдаги келишув 2027 йил 30 июнгача мўлжалланган.
Садио Манэ 2023 йилда «Бавария»дан «Ал-Наср»га 30 миллион евро эвазига ўтган эди. Жорий мавсумда у барча мусобақаларда 17 учрашувда майдонга тушиб, 6 та гол урди ва 6 та голли узатма берди. Transfermarkt портали футболчини 7 миллион еврога баҳоламоқда.
Айни пайтда «Ал-Наср» Саудия Арабистони чемпионати турнир жадвалида 37 очко билан 3-ўринда бормоқда.