Джикия «Антальяспор»ни тарк этиши ҳақида агенти гапирди
«Антальяспор» ҳимоячиси Георгий Джикиянинг агенти Владимир Кузмичёв футболчининг келажаги борасида изоҳ берди. Бу ҳақда euro-football.ru хабар беради.
Агентнинг айтишича, Джикиянинг ҳолати яхши ва клуб мураббийлар штаби унга ишонмоқда. Сўнгги учрашувларда у микрояроҳат сабаб майдонга тушмаган, ҳозир эса тикланиб бўлган ва кейинги ўйинда ўйнаши кутилмоқда.
Аввалроқ ОАВда турк клуби «Спартак»нинг собиқ сардори билан хайрлашиши мумкинлиги ҳақида хабарлар тарқалган эди.
Джикиянинг Туркия чемпионатидаги жорий мавсум кўрсаткичлари: 12 та ўйин ва 2 та гол. Унинг «Антальяспор» билан амалдаги шартномаси 2027 йил ўрталаригача мўлжалланган.