U-23 Осиё кубоги. Ветнам Жанубий Кореяни енгиб, 3-ўринни қўлга киритди
Саудия Арабистони мезбонлик қилаётган 23 ёшгача бўлган футболчилар ўртасидаги Осиё кубогида 3-ўрин учун баҳс ҳақиқий триллерга айланди. Бронза медали учун Вьетнам ва Жанубий Корея терма жамоалари майдонда охиригача “беришмадим” кайфиятида кураш олиб борди.
Учрашувнинг асосий вақти 2:2 ҳисобида якунланди. Голлар кетма-кетлиги ҳам мухлисларнинг асабини синаган сценарийда кечди: 30-дақиқада Вьетнам ҳисобни очди, иккинчи бўлимда жавоблар ёмғирдек ёғди — 69 ва 90+7 дақиқаларда Жанубий Корея гол урган бўлса, Вьетнам 71-дақиқада яна олдинга чиқиб, ўйинни пенальтигача олиб боришга эришди.
Пенальтилар сериясида эса асаблар жангининг кульминацияси бўлди: 7:6! Бир зарба — бир умид, бир хато — бутун турнирнинг ҳиссиёти. Натижада Вьетнам серияда устун келиб, Осиё кубогини бронза медал билан якунлади.
U-23 Осиё кубоги. 3-ўрин
Ветнам – Жанубий Корея 2:2. Пен: 7:6
Голлар: Виет 30, Бак 71 – Ким 69, Мин На 90+7
Энди энг катта савол — бош соврин кимга? Финал учрашуви 24 январ куни бўлиб ўтади. Чемпионлик учун Япония ва Хитой терма жамоалари майдонга тушади. Турнир охиридаги шу икки кун — мухлислар учун “уйқуни кечиктириб қўйишга арзийдиган” вақт, десак ҳам бўлади.