Жикия агенти унинг «Антальяспор»ни тарк этиши ҳақида гапирди
«Антальяспор» ҳимоячиси Георгий Жикиянинг агенти Владимир Кузмичёв футболчининг келажаги борасидаги миш-мишларга изоҳ берди. Бу ҳақда euro-football.ru хабар беради.
Агентнинг айтишича, Жикиянинг аҳволи яхши ва клуб унга ишонмоқда. Сўнгги ўйинларда у микро-жароҳат сабаб майдонга тушмаган, ҳозир эса тикланиб бўлган ва катта эҳтимол билан кейинги учрашувда ўйнайди.
Аввалроқ оммавий ахборот воситаларида турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Жикия Туркия чемпионатининг жорий мавсумида 12 та ўйинда қатнашиб, 2 бор гол урди. Унинг «Антальяспор» билан шартномаси 2027 йил ўрталаригача амал қилади.