Джикия агенти ҳимоячининг «Антальяспор»ни тарк этиши ҳақида гапирди
«Антальяспор» ҳимоячиси Георгий Джикия билан ишлайдиган агент Владимир Кузьмичёв футболчининг келажаги борасидаги миш-мишларга муносабат билдирди. Бу ҳақда euro-football.ru хабар беради.
Агентнинг айтишича, Джикиянинг аҳволи яхши ва клуб унга ишонч билдирмоқда. Сўнгги ўйинларда майдонга тушмагани микро-жароҳат билан боғлиқ бўлган, ҳозир у тўлиқ тикланган ва кейинги учрашувда ўйнаши кутилмоқда.
Аввалроқ турк матбуотида «Спартак»нинг собиқ сардори билан «Антальяспор» хайрлашмоқчи экани ҳақида хабарлар тарқалган эди.
Джикия жорий мавсум Туркия чемпионатида 12 та учрашувда қатнашиб, икки бор рақиб дарвозасини ишғол қилган. Унинг «Антальяспор» билан шартномаси 2027 йилнинг ўрталаригача амал қилади.