Россияда мигрантлар учун “битта банк — битта ҳисоб” жорий этиладими?
Россия Давлат Думаси депутати Луговой мигрантлар учун банк ҳисоблари сонини чеклаш ташаббусини илгари сурди. Таклифга кўра, чет эл фуқаролари учун “бир киши — битта банк — битта ҳисоб” тамойилини жорий этиш мумкинлиги айтилмоқда. Бу орқали мигрантларнинг бир нечта банкда бир вақтнинг ўзида ҳисоб очиши чекланади.
Шунингдек, таклифда банк ҳисобини очиш тартибини ҳам қайта кўриб чиқиш назарда тутилмоқда. Хусусан, мигрантлар учун ҳисоб очиш фақат халқаро паспорт (хорижга чиқиш паспорти) асосида амалга оширилиши мумкинлиги таъкидланган. Бу эса шахсни аниқлаш ва ҳужжатларни текшириш жараёнини қатъийлаштиришга қаратилгани билан изоҳланади.
Ҳозирча ушбу ташаббус таклиф даражасида экани, унинг қачон ва қандай шаклда муҳокамага киритилиши бўйича аниқ тафсилотлар очиқланмаган.