«Реал» янги бош мураббий излаяпти ва Клоппни кўзламоқда
Мадриднинг «Реал» клуби Хаби Алонсо билан хайрлашганидан сўнг жамоага янги бош мураббий топиш устида ишламоқда. Бу ҳақда euro-football.ru хабар беради.
Инсайдер Фабритсио Романонинг хабарига кўра, «қироллик клуби» «Ливерпул»нинг собиқ устози Юрген Клоппни жуда юқори баҳолайди ва уни жамоа бошқарувига олиб келишни истайди. Бироқ немис мутахассиси ҳозирча қарорини ўзгартириш ниятида эмас: у аввалгидек мураббийлик фаолиятига қайтиш вариантини кўриб чиқмаяпти.
Клоппнинг сўнгги жамоаси «Ливерпул» бўлиб, у 2015 йилдан 2024 йилгача мерсисайдликларни бошқарган. Унинг қўл остида «қизиллар» саккизта совринни қўлга киритган: Англия Лигаси кубоги (2 марта), Англия Премьер-лигаси, Англия кубоги, Англия Суперкубоги, УЕФА Суперкубоги, клублар ўртасидаги жаҳон чемпионати ва Чемпионлар лигаси.