Гвардиола янги юлдуз Семеньо ҳақида кутганларини айтди
«Манчестер Сити» бош мураббийи Хосеп Гвардиола жамоага эндигина қўшилган Антуан Семеньо борасидаги фикрларини билдирди. Бу ҳақда euro-football.ru хабар беради.
25 ёшли вингер «Bournemouth»дан «шаҳарликлар» сафига ўтди. Трансфер нархи тахминан 75 млн еврони ташкил этди.
Гвардиоланинг айтишича, айрим футболчилар эрта порлайди, бошқаларига эса вақт керак бўлади. Мутахассис муваффақиятсизлик ва қийинчиликлар ҳар бир ўйинчини шакллантиришини таъкидлади: Семеньо меҳнат ва матонат билан охири йирик саҳнага чиққанини, энди эса илк бор Чемпионлар лигасида ўйнаш имконияти пайдо бўлаётганини алоҳида қайд этди. У мураббий фикрича, еврокубокларда ҳали майдонга тушмаган бўлса-да, катта иштиёқ ва “олов”ни жамоага олиб киради.
Семеньонинг «Манчестер Сити»даги дебюти бугуноқ Англия кубогида «Exeter»га қарши учрашувда бўлиб ўтиши мумкин.