Рафинья «Барселона» тарихидаги энг сермаҳсул 50 футболчи сафига кирди
Бразилиялик ҳужумчи Рафинья Испания Суперкубоги ярим финалида «Атлетик» дарвозасига икки гол уриб, «Барселона»нинг 5:0 ҳисобидаги йирик ғалабасига катта ҳисса қўшди. Бу ҳақда euro-football.ru хабар беради.
Ушбу дубл Рафиньяга клуб тарихидаги энг кўп гол урган 50 футболчи рўйхатидан жой олиш имконини берди: унинг «Барселона» сафидаги голлари 63 тага етди. Рейтингда етакчиликни эса анъанавий тарзда Лионел Месси сақлаб турибди — 672 гол.
Жамоанинг амалдаги тўпурари Роберт Левандовски 110 гол билан 16-ўринда бормоқда. Ламин Ямал ҳозирча 34 гол билан 91-поғонада, Педри 28 гол билан 102-ўринда қайд этилган. Фермин Лопес эса 27 гол билан 104-ўриндан ўрин олган.