Симеоне Суперкубокдаги Мадрид дербиси олдидан фикр билдирди
«Атлетико» бош мураббийи Дийего Симеоне Испания Суперкубоги ярим финалида «Реал»га қарши ўйин арафасида жамоасининг кайфияти ва ёндашуви ҳақида гапирди. Бу ҳақда euro-football.ru хабар беради.
Мутахассиснинг таъкидлашича, ҳар бир учрашув алоҳида воқеа: аввалги ўйинлар эртанги баҳсга таъсир қилмайди. Симеоне «Атлетико» турнирдаги курашни давом эттириш учун майдонга максимал даражада тўғри ва тартибли чиқиши кераклигини қайд этди.
«Атлетико» — «Реал» учрашуви 8-январ куни 00:00 да (Тошкент вақти билан) старт олади. Бу жуфтлик ғолиби финалда «Барселона»га қарши майдонга тушади.