Իրանի փոխարտգործնախարարը ժամանում է Երևան
Իրանի ԱԳ նախարարի տեղակալ Մաջիդ Թախտ-Ռևանչին այսօր ժամանում է Երևան։ Իրանի պաշտոնական IRNA լրատվական գործակալության փոխանցմամբ՝ բարձրաստիճան դիվանագետը Երևանում բանակցություններ է անցկացնելու Հայաստանի փոխարտգործնախարարների, մի շարք այլ պաշտոնյաների հետ։
«Այցի ընթացքում կողմերը քննարկելու են տնտեսական, առևտրային, տարանցիկ, տրանսպորտային ոլորտներում երկկողմ հարաբերությունները, ինչպես նաև Հարավային Կովկասում խաղաղության և համագործակցության թեմաները»,-հաղորդում է IRNA-ն։