Умидахон Ҳожиеванинг қизалоғи 6 ойлик бўлди (видео)
Хонанда Умидахон Ҳожиеванинг қизалоғи Оминахон кеча, 5 январ куни, 6 ойликни қарши олди. Ушбу қувончли воқеани мухлислари билан бўлишишни истаган санъаткор Instagram саҳифасида самимий видео пост жойлади.
Умидахон Ҳожиева пост остида: “05.07.2025 — Оминахон. Вақт жуда тез ўтмоқда, Оминахон 6 ойлик бўлдилар”, — дея изоҳ қолдирди. Видео қисқа фурсатда мухлислар эътиборини тортиб, кўплаб илиқ изоҳлар ва самимий тилакларга сабаб бўлди.
Хонанданинг мухлислари кичкина Оминахонга соғлик, бахтли болалик тилаб, оиласига эзгу тилаклар йўллашди. Ушбу пост санъаткорнинг она сифатидаги қувончи ва меҳрга тўла онларини яна бир бор намоён этди.