Тиббиёт ва фармация ходимларининг ипотека бадалининг бир қисмини давлат тўлайди
Ўзбекистонда соғлиқни сақлаш ва фармация соҳасида ишлаётган мутахассислар учун янги уй-жой имтиёзи жорий этилди. Эндиликда давлат ипотека асосида уй харид қилаётган айрим ходимларнинг бошланғич тўловининг бир қисмини қоплайди. Бу ҳақда podrobno.uz хабар беради.
Белгиланган тартибга кўра, давлат тиббиёт муассасаларида камида 15 йил меҳнат стажига эга бўлган 500 нафар тиббиёт ва фармация ходими ушбу ёрдамдан фойдаланиши мумкин. Улар учун ипотека бўйича бошланғич бадалнинг 25 фоизи давлат ҳисобидан тўлаб берилади.
Расмийларга кўра, мазкур чора соғлиқни сақлаш тизимидаги кадрларни ижтимоий қўллаб-қувватлаш, шунингдек уларнинг узоқ муддат ишлашга бўлган мотивациясини оширишга қаратилган. Имтиёз 2026 йил 1 январдан кучга кирган.