Danmarks statsminister varslar «omfattande utvisingsreform»
Danmark sin statsminister Mette Frederiksen varsla i nyttårstalen sin om ei «omfattande utvisingsreform» retta mot kriminelle, melder NTB.
– Den vil bety at enda fleire kriminelle utlendingar skal bli sendt ut av Danmark, seier Frederiksen.
Forslaget inneber at utlendingar skal bli utvist dersom dei gjer alvorleg kriminalitet og blir dømt til minst eitt år fengsel.
Frederiksen varsla også om at pensjonistar og fattige barnefamiliar skal få ein kontant matvaresjekk som følge av inflasjonen på matvarer.