Афросиёбнинг қўшимча рейслари йўлга қўйилади
Янги йил байрамлари арафасида Темирйўлексресс компанияси Тошкентдан Бухоро ва Самарқандга юқори тезликдаги Афросиёб поездларининг қўшимча рейсларини йўлга қўйишини эълон қилди. "Самарқанд – Тошкент" йўналишидаги қўшимча рейслар 26-декабрдан 31-декабрга қадар, шунингдек, 4-январ куни амалга оширилади.
Самарқанддан №775 поезд соат 10:55 да, Тошкентдан эса №776 поезд соат 13:56 да жўнайди. "Бухоро – Тошкент" йўналишидаги қўшимча рейслар 30 ва 31-декабр кунлари амалга оширилади.
Тошкентдан №778 поезд соат 06:10 да, Бухородан эса №777 поезд соат 18:08 да жўнайди. Чипталарни Ўзбекистон темир йўллари расмий сайти, веб ва мобил иловалари орқали ҳамда кассаларда харид қилиш мумкин.