Барселона ва АПЛ гигантлари Марко Палестра учун курашади

Италиянинг "Аталанта" клубига тегишли бўлган, ҳозирда эса ижара асосида "Кальяри" сафида тўп сураётган қанот ҳимоячиси Марко Палестра Европа трансфер бозорида катта қизиқиш уйғотмоқда. Caught Offside нашри хабарига кўра, 20 ёшли футболчини таркибига қўшиб олиш истагида "Барселона", Лондоннинг "Арсенал" ва "Челси" клублари, шунингдек "Ливерпуль" ҳамда "Манчестер Юнайтед" бор.

Эҳтимолий трансфер қиймати 35–40 миллион евро атрофида баҳоланмоқда. 2025/2026 йилги мавсумда Палестра 14 та учрашувда майдонга тушиб, 3 та голли узатма муаллифи бўлди.

Transfermarkt портали эса футболчининг бозор қийматини 8,5 миллион еврога тенг деб кўрсатмоқда.