Трамп ФҚБ рейдини кескин танқид қилди: Мар-а-Лаго можароси бўйича баёнот

АҚШ президенти Дональд Трамп Мар-а-Лаго қароргоҳида ўтказилган текширув юзасидан яна бир бор кескин баёнот берди. Унинг айтишича, Федерал қидирув бюроси ходимлари текширув вақтида ҳаддан ошган ва шахсий ҳудуд чегараларини бузган.

Трамп сўзларига кўра, у пайтда ўзида ҳам етарлича жиддий муаммолар бўлган, аммо федерал агентлар унинг фикрича, мутлақо асоссиз ҳаракатларга йўл қўйган. Хусусан, улар Мар-а-Лагодаги хонадонда нафақат ҳужжатларни, балки президентнинг рафиқасига тегишли шахсий шкафларни ҳам текширган.

«Менда жиддийроқ муаммолар бор эди. Бу ҳайвонлар Мар-а-Лагода менга ҳужум қилмоқчи бўлишди, улар хотинимнинг шкафига киришди. Ва мен айтаманки, бу жуда ёмон ва бироз ғалати эшитилади: улар унинг қутиларини қидиришган. У жуда саранжом-саришта одам. Унинг ички кийимлари мукаммал тахланган ва ўралган. У жуда мукаммал. Мен буни ажойиб деб айтган бўлардим. У дунёнинг қайси қисмидан чиққанини биласиз (АҚШнинг биринчи хоними ўтмишда модель бўлган). Ҳаммаси жойида эди. Ҳеч қандай муаммо йўқ», — деди Трамп.

Президент, шунингдек, бу ҳолатни шахсий ҳаётга очиқдан-очиқ аралашиш деб баҳолаб, бундай текширув усулини қабул қилиб бўлмаслигини таъкидлади. Унинг фикрича, ҳеч қандай қонунбузарлик аниқланмагани ҳолда, бундай ҳаракатлар фақатгина босим ўтказиш ва обрўсизлантиришга қаратилган.

Трамп ушбу воқеани мисол келтирар экан, Мар-а-Лагодаги рейд АҚШда ҳуқуқ-тартибот органларининг сиёсий жараёнларга аралашуви ҳақидаги баҳсларни янада кучайтирганини ҳам билдиради. Унинг айтишича, “ҳаммаси жойида эди” ва текширув натижасида ҳеч қандай жиддий муаммо топилмаган.