Жуд Беллингем 2025 йил якунлари бўйича фикр билдирди

Мадриднинг «Реал» клуби 2025 йилнинг сўнгги учрашувида «Севилья»ни 2:0 ҳисобида мағлуб этди. Хаби Алонсо бошчилигидаги жамоага уч очкони Жуд Беллингем ва Килиан Мбаппе урган голлар тақдим этди.

Учрашувда энг яхши футболчи деб топилган инглиз яримҳимоячи ўйиндан сўнг ижтимоий тармоқлар орқали якунланаётган йил бўйича муносабатини билдирди. «2025 йилни яхши якунладик, аммо 2026 йилда янада кучли бўлишимиз керак.

Мадридистлар, бу йил яхши ҳам, қийин пайтларда ҳам бизни қўллаб-қувватлаганингиз учун раҳмат», — деб ёзди Беллингем. «Реал» Ла Лига турнир жадвалида иккинчи ўринда қолмоқда.

Пешқадам «Барселона»дан фарқ бир очкони ташкил этади, каталонияликлар эса битта ўйинни заҳирада сақлаб турибди.